अल्सर
प्राय: गरेर अहिलेका मानिसमा ग्याष्ट्रिक बढ्दो छ ।
समयमा खाना नखानाले, खाना खाएमा पनि
चिल्लोले गर्दा ग्याष्ट्रिक बढ्दै जान्छ । यसरी
आमाशयको खाना नलीमा जोडिएको सानो
आन्द्राको मुखमा घाउ बन्न सक्दछ । आन्द्रामा प्वाल
पर्यो भने अल्सर रोग लाग्दछ । यो अलि बढि नै
खतरा रोग हो । मानिसहरुको खानपानको
लापरबाहीले गर्दा यो रोग लाग्दछ । यो पाचन
प्रणाली संग जोडिएको हुन्छ ।
अल्सर रोग हो अथवा होईन कसरी थाहा पाउने?
अल्सर रोग लाग्यो भने छाती वा पेटको माथि
पट्टिको भाग दुख्छ ।
खाली पेट अथवा खाना खाईसके पछी पनि
दुखिरहन्छ ।
उल्टी आउला की जस्तो हुन्छ, उल्टी आयो भने
आराम भएको महसुस हुन्छ ।
उल्टी गर्दा रगत पनि मिसिएर आउन सक्छ ।
अल्सर रोग लागेमा कस्तो खानेकुरा खाने?
चिसो दुध पटक पटक गरी दिनको ७/८
कप पिउने ।
एकैपटक धेरै खाना नखाने, थोरै थोरै गरेर
दिनमा ४/५ पटक खाने ।
खानामा दाल,दुध, बिस्कुट, रोष्ट भात,
मुंगको दाल, स्याउदाना, जाउलो खाने ।
फलफूलमा जस्तै अंगुर, पाकेको केरा, गाँजर खाने ।
प्रोटिनमा अण्डा, पनिर, दाल खानु राम्रो हुन्छ ।
अल्सर रोग लाग्दा कस्तो खानेकुरा नखाने ?
अत्याधिक तातो र चिसो खानेकुरा नखाने
पिरो, मसलाको मात्रा धेरै, नुन चर्को
तरकारी, अमिलो दहि, अमिलो महि नखाने ।
पेयपदार्थमा रक्सि गाढा रंग हालेको चिया कफी नखाने ।
तेलमा तारेको अत्याधिक चिल्लो खानेकुरा नखाने ।
अल्सर रोग लागेको बेला के के नगर्ने?
धेरै बेर भोकै नबस्ने
धर्मको नाममा व्रत बसेर आत्मा नसुकाउने,
ब्रत लिन छोडिदिने ।
मानसिक चिन्ता तनाबहरु सबै छोडिदिने ।
राती अनिदो धेरै बेर सम्म नबस्ने ।
दुख्यो भनेर आफु खुसि औषधीको सेवन नगर्ने ।
कालो चियाको प्रयोग बिल्कुलै नगर्ने ।
दिउँसो सुत्ने बानी भए तुरुन्त हटाउने ।
अल्सर रोग लाग्दा आफैले अपनाउन सकिने
सुरक्षात्मक उपाय
शारीरिक तथा मानसिक रुपमा आराम गर्ने
बानी बसाउने ।
खाना खाँदा कुनै चिन्ता नलिई आराम संग खाने ।
तनाबमा नबस्ने, जतिखेर पनि रिसाए जस्तो
अनुहार नबनाउने, मुस्काउन कोसिस गर्ने, हाँसेर बस्ने ।
काम गर्दागर्दै पेट पोल्न थाल्यो भने २/४
वटा विस्कुटका दाना खाने ।
स्वस्थ्यताको लागी आवश्यक व्यायाम गर्ने ।
No comments:
Post a Comment